Transcription
1
Monseigneur, je vous ay escript mon advis sur ce qu’il
2
vous avoit pleu me comander pour le regard de reduyre
3
ceulx de Pragella ; et despuys sont arrivez deux
4
de leurs depputez devers moy, me priant les conseiller
5
comment se doibvent gouverner ; et si tost que leur ay
6
ouvert le chemin de chasser leurs ministres,
7
m’ont resolu qu’ilz ne le feront jamais et qu’il y a
8
si long temps qu’ilz sont en leur relligion qu’il est
9
impossible d’en revocquer le peuple. Et leur
10
ayant desclairé qu’ilz seront enfermez s’ilz
11
n’obeyssent et qu’ilz seront privez du commerce de tous
12
coustez, s’en remectent au plaisir de Dieu.
13
Et quand on leur parle qu’on y fera des fortz,
14
s’excusent qu’il n’y aura pas vivres pour les
15
entretenir et qu’on sera contrainct à la longue
16
de les abandonner, ne regardant que au bout de
17
leur nez. Toutesfoys, c’est tout ce qu’ilz craignent
18
et quoy qu’il soit, ilz ont belle peur, car deux de
19
leurs ministres qui estoyent de sez valéez deçà,
20
despuys huict jours ont vendu de leur bien pour
21
deux mil escus, à mon grand regret pource qu’ilz
22
sont meschantz et cella eusse faict ung coing
23
desdits fortz. Lesdits depputez sont retournez
24
[v] vers leurs gens et m’ont demandé asseurance pour
25
quatre ou six de leurs principaulx chefz pour me
26
venir parler, ce que leur ay accordé, pour veoir ce qu’ilz
27
me vouldront dire, et vous advertirey incontinent.
28
Pour le moingz, cella me faict bien croyre qu’ilz
29
ont estez mal receuz de vous, car ne se reduyeroyent
30
à ce chemin icy. Vous suppliant au demeurant, Monseigneur,
31
me fère ordonnance comme cognoistrés raisonnable sur le
32
contenu en ma requeste pour les ustencilles contre ses
33
bones gens de Sezane et de Sallabertan, qui sont la moytié
34
figue et moytié raisin, comme leurs actions en feirent
35
tousjours foy ; et c’est pour le temps de la guerre,
36
que sont deux ans que je leur demande, me tenent
37
content des autres, pource qu’ilz y ont procedé
38
en bonne foy. Il vous plaira aussi avoir esgard
39
au boys de La Garde. Et tochant ad ce qui
40
me remonstres que ceulx de Briançon et autres se contentent,
41
je larrey à le vous dire de bouche, s’il vous plaist,
42
par Augustin, pour ne vous envoyer par trop grande
43
lettre, nous recomandant humblement à votre bonne grace
44
pour recharger à monsieur du Chastellard pour
45
nous arreirages et pour nous fère restablir
46
avec votre faveur à nous estatz acoustumez,
47
[140] et vous serons tousjours de plus obligez et tenuz
48
de prier Dieu pour votre prosperité, comme faiz
49
d’aussi bon cueur
50
Monseigneur, que apprès vous avoir très humblement
51
baisé les mains, vous supplie encores ceste foys
52
me comander comment nous conduyrons vers ceulx de
53
ses cartiers qui vont au presche en Pragella
54
et s’excusent y aller pour autres negoces, et
55
de treuver s’il n’est parlé comme oppinion du monde
56
ne se peult pource qu’ilz ne s’accuseront l’ung
57
l’autre, et aussi si je doibz aller prandre
58
des ministres, ce que je ferey, Dieu aydant,
59
mais suis asseuré qu’il faudra combatre,
60
d’aultant qu’ilz preschent comme Moyse les armes
61
en main et ne vouldroys exceder rien de votre
62
volunté et comandement. D’Exilles, ce XXIe octobre
63
1572.
64
Votre très humble et
65
très hobeyssant serviteur
66
La Casette